زرداری اور نواز شریف پر کیسز انہیں کے دور میں بنے ، نعیم الحق
لاہور (92 نیوز) وزیر اعظم عمران خان کے معاون خصوصی نعیم الحق نے کہاکہ آصف علی زرداری اور نواز شریف پر کیسز انہیں کے دور حکومت قائم ہوئے ۔
معاون خصوصی وزیر اعظم نے لاہور میں تقریب سے خطاب کرتے ہوئے کہا کہ ہمارا موقف صرف لوٹی ہوئی دولت کو وطن واپس لانا ہے ، وزیر اعظم عمران خان نے واضح کر دیا کہ کرپشن پر کسی کو رعایت نہیں ملے گی ۔
نعیم الحق نے کہا کہ ہم خرابیوں کو دور کرنے کی کوشش کر رہے ہیں، پہلے چھ مہینے مصیبتوں کے پہاڑ ٹوٹ پڑے، قومی خزانہ خالی تھا، ہم چیزوں پر قابو پا رہے ہیں، صورتحال بہتر ہو جائے گی۔
انہوں نے کہا کہ عمران خان کے دل میں درد ہے،بس چلے تو غربت ختم کر دیں، ہم نے غریب کی زندگی کو بہتر بنانا ہے، مویشی خرید کر غریب خاندانوں کو دیں گے۔