زرداری اور عمران متحد نہیں ہونگے تو سازشیوں کا کیسے پتہ چلے گا،مریم نواز

لاہور ( 92 نیوز ) مسلم لیگ ن کی رہنما مریم نواز کہتی ہیں نوازشریف کے خلاف دھرنے والے ایک بارپھراکٹھے ہورہے ہیں ۔ 17 جنوری کو زرداری اورعمران اکٹھے نہیں ہوں گے توکیسے پتہ چلے گا کہ سازش کون کررہاہے ۔

مسلم لیگ ن کی رہنما مریم نواز نے مزنگ کادورہ کیا وہ مسلم لیگ  کے رہنما ملک نسیم وکی والدہ کے ایصال ثواب کےلئے ان کے گھر گئیں  ۔

میڈیا سے بات چیت میں مریم نواز نے کہا نواز شریف اور ن لیگ کے خلاف دھرنے والے ایک بارپھر اکٹھے ہورہے ہیں مگر  اپوزیشن کا یہ گٹھ جوڑ پھر ناکام ہوگا ۔

مریم نواز نے کہا زینب کے قاتلوں کوعبرت ناک سزاملے گی ۔  قاتلوں کی گرفتاری کے لئے تمام وسائل بروئے کارلائے جائیں گے ۔

مریم نواز نے عمران خان کی تیسری شادی پر تبصرہ سے انکار کردیا ۔ انہوں نے کہا بلوچستان میں ن لیگ کی حکومت ختم کر دی گئی ہے اور اس کے بارے میں سب جانتے ہیں ۔