ریڈی اسٹیڈی نو کی ریلیز میں دو دن باقی
لاہور ( 92 نیوز) نئی پاکستانی رومانٹک کامیڈی فلم ریڈی اسٹیڈی نو کی ریلیز میں صرف دو دن باقی ہیں ، اسٹار کاسٹ کاکہنا ہے ہلکے پھلکے انداز میں معاشرتی مسائل کا احاطہ کرتی فلم شائقین کی امیدوں پر پورا اترے گی ۔
پاکستانی فلموں کے شوقین ہوجائیں تیار، ایک اور فلم دھماکے دار انٹری کیلئے ہے تیار، ریڈی اسٹیڈی نو جمعہ کو سینماگھروں کی زینت بنے گی ۔
آمنہ الیاس اور فیصل سیف کے مرکزی کرداروں پر مشتمل کامیڈی فلم کے ٹریلرز شائقین نے خوب پسند کیے ۔
فلم کے اداکاروں اور ڈائریکٹرہشام بن منورنے لاہور میں پریس کانفرنس سے خطاب کرتے ہوئے کہا رومانٹک کامیڈی فلم ميں معاشرتی مساٸل کواجاگرکيا گيا ہے ۔
فلم میں سلمان شاہد،اسماعیل تارا،نیئر اعجاز ،زین افضل ،مرحوم احمد بلال اور نرگس رشید بھی مختلف کردارنبھاتے نظر آئیں گے ۔
خوبصورت کہانی اور موسیقی سے سجی ’’ریڈی اسٹیڈی نو ‘‘ 19جولائی کو ریلیز ہوگی۔