ریلوے کا 30 اسٹیشنوں پر جدید کیمروں کا منصوبہ ، سمری ارسال
لاہور( روزنامہ 92 نیوز) ریلوے پولیس حکام نے ملک کے 30بڑے ریلوے سٹیشنوں پر فول پروف سکیورٹی کو یقینی بنانے کے لئے 15کروڑ روپے مالیت کے 600 جدید ترین انٹر نیٹ پروٹوکول کیمرے خریدنے کے لئے گرانٹ کی منظوری کے لئے سمری پلاننگ کمیشن کو بھجوا دی ۔
اس سے قبل12کروڑ روپے کا تخمینہ لگایا گیا تھا ، لاگت میں اضافہ ہونے پر پلاننگ کمیشن کو سمری منظوری کے لئے بھجوائی گئی ، کیمرے بیرون ملک کی کمپنی سے خریدے جائیں گئے ۔
آئی جی ریلوے پولیس سمیت دیگر اعلی افسر اپنے سمارٹ فونز سے کسی بھی وقت ریلوے سٹیشنوں کی سیکورٹی چیک کر سکیں گے ، ذرائع کے مطابق ایک سال قبل بڑے ریلوے سٹیشنز پر جدید ترین انٹر نیٹ پروٹوکول کیمرے لگانے کا پلان تیار کیا گیاتھا۔