رہبر کمیٹی کو خود رہبری کی ضرورت ہے ، فردوس عاشق
اسلام آباد ( 92 نیوز) وزیر اعظم کی معاون خصوصی برائے اطلاعات ونشریات ڈاکٹر فردوس عاشق اعوان نے کہا کہ رہبر کمیٹی کو خود رہبری کی ضرورت ہے ۔
ڈاکٹر فردوس عاشق اعوان نے اپنے ٹویٹ پیغام میں کہا کہ رہبر کمیٹی مسلسل چور مچائے شور فلم کا فلاپ شو پیش کر رہی ہے، ہم اپنے مؤقف اور نظریے پر ڈٹ کر کھڑے ہیں۔
ان کا مزید کہنا تھا کہ دوسروں کی طرح احتساب سے راہ فرار اختیار کرنے والے نہیں، وزیراعظم عمران خان آئین کی حکمرانی، قانون کی بالادستی اور بلا تفریق احتساب کے داعی ہیں۔