رونالڈینو اور ان کے بھائی جیل سے رہا
پیرا گوئے ( 92 نیوز) برازیل کے سابق فٹبالر رونالڈینو اور انکے بھائی رابرٹو کو پیرا گوئے کی جیل سے رہا کر دیا گیا ، ان کی ضمانت 1.6 ملین ڈالر میں ہوئی ، سابق برازیلین فٹبالر بھائی سمیت ہوٹل میں نظر بند رہیں گے ، رونالڈینو 32 دن تک جیل میں رہے۔
برازیل اور بارسلونا کے سابق فٹبالر رونالڈینو اور انکے بھائی رابرٹو کو 6 مارچ کو جعلی پاسپورٹ پر پیراگوئے میں داخل ہونے پر گرفتار کیا گیا تھا ۔
رونالڈینو کو پیر اگوئے میں فٹبال ٹریننگ اور کتاب کی رونمائی کی تقریب میں ایک کسینو کے مالک نے مدعو کیا تھا ، انکی ضمانت 26 کروڑ 50 لاکھ روپے میں ہوئی۔ رونالڈینو 2002 میں فٹبال ورلڈکپ جیتنے والی برازیل کی ٹیم کا حصہ بھی تھے۔