روسی ویکسین اپوتنک کی دو ڈوز کی قیمت فروخت 8 ہزار 449 روپے مقرر
اسلام آباد (92 نیوز) روسی ویکسین اسپوتنک کی دوڈوز کی قیمت فروخت 8 ہزار 449 روپے مقرر کر دی گئی۔
ذرائع کے مطابق روسی ویکسین اسپوٹنک کی دو خوراکوں کی قیمت فروخت 8 ہزار 449 روپے مقرر کی گئی ہے۔ وفاقی کابینہ نے چینی کمپنی کین سائنو کی سیل پرائس مقرر کرنے کی منظوری بھی دیدی۔ چینی کمپنی کین سائنو کے فی انجکشن کی قیمت 4 ہزار 225 روپے مقرر کرنے کی منظوری دی گئی۔ وفاقی کابینہ سے دونوں ویکسینز کی قیمت فروخت کی منظوری سرکولیشن کے ذریعے لی گئی۔
ڈریپ نے ویکسینز کی قیمتیں مقرر کرنے کی سفارش کی تھی۔ روس اور چین سے نجی شعبے کے ذریعے ویکسین درآمد کی جارہی ہے۔