رواں مالی سال چاول کی برآمدات میں 32 فیصد اضافہ ہوا
اسلام آباد ( ویب ڈیسک ) رواں مالی سال میں چاول کی برآمدات میں 32 فیصد اضافہ ہو اہے ۔ چاول برآمد کرنے والے اداروں کی تنظیم رائس ایکسپورٹرز ایسوسی ایشن آف پاکستان کے اعدادو شمار کے مطابق جولائی سے لیکر نومبر تک کے عرصے کے دوران پاکستان میں چاول کی برآمدات میں 697 ملین ڈالر کا قیمتی زرمبادلہ حاصل کیا۔
گزشتہ برس کے اسی عرصہ میں چاولوں کی برآمدات سے 528.33 ملین ڈالر کا زرمبادلہ حاصل کیا گیا تھا ۔چاول کی برآمدات میں اضافے کی بنیادی وجہ بین الاقوامی سطح پر چاول کی طلب میں اضافہ بتایا گیا ہے۔