رواں سال میں ایک روز میں کورونا کے ریکارڈ کیسز سامنے آگئے،54 افراد جاں بحق
اسلام آباد (92 نیوز)رواں سال ایک روز میں سب سے زئادہ کورونا کیسز سامنے آگئے ، گزشتہ روز 2 ہزار701 افراد میں کورونا وائرس کی تصدیق ہوئی جب کہ مہلک وائرس سے 54 افراد جان کی بازی ہار گئے ۔
نیشنل کمانڈ اینڈ آپریشن سنٹر کے مطابق گزشتہ 24 گھنٹوں میں کورونا وائرس سے 54 افراد جاں بحق ہوئے جبکہ 2701 افراد میں کورونا کی تشخیص ہوئی ۔ ملک بھر میں کورونا سے مجموعی اموات کی تعداد 13 ہزار 430 سے زائد ہو چکی ہے جبکہ جبکہ ملک بھر میں کورونا سے متاثرہ افراد کی تعداد 6 لاکھ 198 ہو گئی ۔
این سی او سی کے مطابق سندھ میں دو لاکھ 60 ہزار 661، پنجاب میں ایک لاکھ 82 ہزار 576 ، خیبرپختونکوا میں 75 ہزار 52، بلوچستان میں 19 ہزار 171، اسلام آباد میں 46 ہزار 936، گلگت بلتستان میں 4 ہزار 959 کیسز اور آزاد کشمیر میں کورونا متاثرین کی تعداد 10 ہزار 816 ہو گئی ۔