رمضان کے مبارک مہینے میں نائنٹی ٹو نیوز کی خصوصی نشریات رحمت رمضان  کا آج سے آغاز

لاہور(92نیوز)برکتوں اور فضیلتوں کے مبارک مہینے رمضان  المبارک  کا  آغاز ہوگیا ہے،نائنٹی ٹو نیوز اپنے ناظرین کے لیے سحر اور افطار  کے  اوقات میں رحمت رمضان کے نام  سے خصوصی    نشریات شروع کر  رہا ہے   جس  کے میزبان  نذیر احمد غازی،نتاشا علی اور  ڈاکٹر جمیل راٹھورہونگے جبکہ  مفتی  منیب  الرحمان   روزانہ   خلاصہ  قرآن  پیش کریں گے۔ تفصیلات کے مطابق نائنٹی ٹو نیوز نے اپنے ناظرین سے ایک اور رشتہ جوڑ لیا، رمضان  المبارک کے بابرکت مہینے میں ہو گی سحروافطار  کی  خصوصی  نشریات رحمت رمضان ۔ سحر ٹرانسمیشن رات دو بجے سے صبح پانچ بجے تک  جاری   رہے  گی  جس کے  میزبان  نذیر احمد غازی،نتاشا علی اور  ڈاکٹر جمیل راٹھورہونگے،،  نائینٹی  ٹو  نیوز کی اس خصوصی  نشریات  میں   رمضان المبارک  کے فضائل اور برکات بیان کئے  جائیں گے۔ نائنٹی ٹو نیوز نے  اپنے ناظرین کے لیے افطار ٹرانسمیشن کا  بھی  اہتمام کیا ہے   جو روزانہ شام  پانچ بجے سے آٹھ بجے تک جاری رہے گی۔ افطار  ٹرانسمیشن کے میزبان بھی  نذیر احمد غازی،نتاشا علی اور  ڈاکٹر جمیل راٹھور ہونگے افطار کی خصوصی  نشریات  میں  ماہ صیام کی  اہمیت پر روشنی ڈالی جائیگی۔ رحمت رمضان  ٹرانسمیشن  کی ایک اور خاص  بات  اس میں    ممتاز عالم  دین مفتی  منیب  الرحمان کی شرکت  ہے  جو رمضان  المبارک کے  بابرکت  ایام میں   ناظرین کے  سامنے  خلاصہ  قرآن  پیش کریں گے۔