رمضان المبارک کی آمد ، حکومت صارفین کےساتھ ہاتھ کرگئی
فیصل آباد ( 92 نیوز) رمضان المبارک کی آمد پر حکومت صارفین کے ساتھ ہاتھ کر گئی، جن 17 1اشیاء پر سرکار کی طرف سے سبسڈی کا اعلان کیا گیا ہے ان میں کوئی ایک چیز بھی یوٹیلٹی اسٹورز کو فراہم نہیں کی گئی، آٹا، دالیں، چینی، مصالحہ جات کی خریداری سے محروم عوام بازار سے مہنگے داموں اشیاء خریداری پر مجبور ہیں۔
یوٹیلٹی اسٹورز سے اشیاء ضروریہ کی خریداری کیلئے حکومتی ریلیف عوام کیلئے باعث تکلیف بننے لگا، آٹا ، چینی ، دالیں اور چاول سمیت جن 17 اشیاء پر حکومت نے سبسڈی کا اعلان کیا ، انہی اشیاء کو یوٹیلٹی اسٹورز پر فراہم نہ کیا گیا۔
یوٹیلٹی اسٹورز کے خالی ریک حکومتی دعوؤں کی قلعی کھول رہے ہیں۔