رمضان المبارک میں مسجد نبوی صلی اللہ علیہ و آلہ وسلم میں نماز تراویح ہو گی
ریاض (92 نیوز) مسلمانوں کیلئے بڑی خوشخبری آ گئی۔ رمضان المبارک میں مسجد نبوی صلی اللہ علیہ و آلہ وسلم میں نماز تراویح ہو گی۔ خادم حرمین شریفین نے اجازت دے دی۔
مسجد نبوی ﷺ کی انتظامیہ نے مومنین کے دلوں کی مراد پوری کر دی۔ رمضان المبارک میں نماز اور صلواۃ التراویح کی اجازت دے دی گئی۔
مسجد انتظامیہ کے مطابق اس بار رمضان المبارک میں 60 ہزار عبادت گزار نماز اور تراویح کی ادائیگی کی سعادت حاصل کر سکیں گے۔ مومنین مسجد کے اندر، باہر اور چھت پر عبادت کر سکیں گے۔
BREAKING | #Ramadan1442
Plans for Masjid Al Nabawi, Madinah have been
announced
-The total capacity of worshippers in
Ramadan will be 60,000 worshippers at one time.
Read
further: https://t.co/cB7ENgGtDG
pic.twitter.com/AVSLnG29RM
انتظامیہ کے مطابق نماز تراویح کے آدھے گھنٹے بعد مسجد کو بند کر دیا جائے گا اور پھر نماز فجر سے 2 گھنٹے پہلے دوبارہ کھول دی جائے گی۔
رمضان المبارک کے آخری عشرے میں مسجد نبوی ﷺ رات بھر کھلی رہے گی۔ اس دوران احتیاطی تدابیر اور نگرانی جاری رہے گی۔ مسجد نبوی ﷺ کے اندر اور باہر سماجی دوری کو یقینی بنایا جائے گا جب کہ روضہ میں صرف امامین اور ملازمین کو ہی جانے کی اجازت ہو گی۔