رانا ثناءاللہ کو پھر نیب کا بلاوا آگیا، 19 فروری کو طلبی

لاہور (92 نیوز) نیب سے رانا ثناءاللہ کو پھر بلاوا آگیا، ن لیگی رہنماء کو جوائنٹ انویسٹی گیشن ٹیم کے روبرو 19 فروری کو پیش ہونے کی ہدایت کردی گئی۔ سابق وزیرقانون کوفیملی اراکین کی جائیدادوں کی تفصیلات ہمراہ لانے کی ہدایت کی گئی ہے، 2 جنوری کو جمع کرائے گئے اثاثہ جات کی تفصیلات سے متعلق بھی وضاحت مانگی گئی ہے۔ ذرائع کے مطابق جائیدادوں کو بنانے کے لیے سورس آف انکم کیا تھا، کاروبار کیسے شروع کیا اور سرمایہ کہاں سے آیا کی تحریری وضاحت طلب کی گئی ہے۔ فیملی کے دیگر اراکین کے اثاثے کتنے ہیں، ان میں کتنا اضافہ ہوا، تحائف کی صورت میں کیا کیا دیا اور جو تحائف دئیے اس رقم کا سورس کیا تھا اس بارے میں بھی تحریری وضاحت طلب کی گئی ہے۔