رانا تنویر حسین چین اور جنوبی کوریا کے دورہ پر روانہ
اسلام آباد(92نیوز)وفاقی وزیر دفاعی پیداوار رانا تنویر حسین چین اور جنوبی کوریا کے دورے پر روانہ ہو گئے ،دونوں ممالک کی قیادت سے دو طرفہ دفاعی تعاون بڑھانے کے امور پر بات کریں گے۔
تفصیلات کےمطابق وفاقی وزیر دفاعی پیداوار رانا تنویر حسین کوریا میں دفاعی نمائش ایڈکس 2015 میں شرکت کریں گے جس میں پہلی بار پاکستانی جنگی سازو سامان کی بھی نمائش کی جائے گی ۔ رانا تنویر جنوبی کوریا کے وزیر دفاع سے بھی ملاقات کریں گے اس کے بعد وہ چین کا دورہ کریں گے جہاں ان کی چینی وزیراعظم سے بھی ملاقات ہو گی۔
وزارت دفاعی پیداوار کے مطابق رنا تنویر حسین چین اور جنوبی کوریا کی قیادت کے ساتھ دو طرفہ دفاعی تعاون بڑھانے پر بات کریں گے ۔