راستے کھلتے ہی کراچی سے اندرون ملک تیل کی سپلائی شروع
کراچی ( 92 نیوز ) راستے کھلتے ہی کراچی سے اندرون ملک تیل کی سپلائی شروع ہو گئی ۔ آئل ٹینکرز کنٹریکٹرز ایسوسی ایشن کا کہنا ہے سہراب گوٹھ سے سپر ہائی وے پر کھڑے ٹینکرز کی روانگی کا آغاز ہو گیا۔
دھرنوں کے باعث سپلائی اتوار سے متاثر تھی ۔ لاہور میں بیشتر پٹرول پمپ اب بھی بند ہیں ۔ شہری پریشانی سے دوچار ہیں ۔علامہ اقبال ایئرپورٹ پر طیاروں کیلئے بھی ایندھن کم پڑ گیا۔