راؤ انوار کی معطلی کافی نہیں ،متاثرین کو انصاف دیا جائے ،سراج الحق
کراچی ( 92 نیوز ) امیر جماعت اسلامی سراج الحق نے کہا ہے کہ راؤ انور کی معطلی کافی نہیں ہے ۔ نقیب اللہ کے اہل خانہ کو انصاف فراہم کیا جائے ۔ سراج الحق نے دس روز کی ڈیڈ لائن دے دی ۔ داد رسی نہ ہونے پر 31 جنوری کر کراچی میں گرینڈ جرگے کا اعلان کر دیا ۔
کراچی میں میڈیا سے گفتگو کرتے ہوئے سراج الحق نے دس دن کی ڈیڈ لائن دیتے ہوئے کہا کہ متاثرین کو 31 جنوری تک انصاف فراہم کیا جائے ۔
سراج الحق نے کہا کہ ایس ایس پی ملیر راؤ انوار اتنا ہی بہادر ہے تو اسے بارڈر پر بھیجا جائے ۔
دوسری جانب کراچی ، خوشاب اور ایبٹ آباد میں بھی نقیب اللہ کے مبینہ جعلی پولیس مقابلے کیخلاف احتجاج کا سلسلہ جاری ہے ۔