ذوالفقار مرزا کی عدم گرفتاری پر تاجر اتحاد نے بدین میں شٹرڈاﺅن اور پہیہ جام ہڑتال کر دی

بدین (92نیوز) ڈاکٹر ذوالفقار مرزا اور ان کے ساتھیوں کی عدم گرفتاری کے خلاف پیپلز پارٹی اور تاجر اتحاد کی کال پر بدین میں شٹرڈاون اور پہیہ جام ہڑتال کی جا رہی ہے، کاروباری مراکز بند، مختلف علاقوں میں ہوائی فائرنگ کی بھی اطلاعات ملی ہیں۔ ڈاکٹر ذولفقار مرزا اور ان کے ساتھیوں کے خلاف شہر میں ہنگامہ آرائی کرنے پر دہشت گردی ایکٹ کے تحت بارہ مقدمات درج کئے گئے ہیں۔ سابق صوبائی وزیر اور ان کے ساتھیوں کو گرفتار نہ کرنے پر پیپلزپارٹی اور تاجر اتحاد کی کال پر ضلع کے چھوٹے بڑے شہروں بدین، کھوسکی اور پنگریو مین شٹر ڈاون اور پہیہ جام ہڑتال کی گئی ہے جس کے باعث کاروباری مراکز بند ہیں اور پبلک ٹرانسپورٹ سڑکوں سے غائب ہے جبکہ مختلف علاقوں سے ہوائی فائرنگ کی اطلاعات بھی موصول ہوئی ہیں۔