دہشت گردی سے متاثرہ قبائلی ضلع باجوڑ کیلئے جدید سہولیات سے آراستہ تعلیمی ادارے کا تحفہ

 باجوڑ (92 نیوز) دہشت گردی سے متاثرہ قبائلی ضلع باجوڑ کیلئے پاک فوج نے جدید سہولیات سے آراستہ تعلیمی ادارے کا خوبصورت تحفہ دے دیا۔ خیبرپختونخوا میں شامل ہونے والے قبائلی ضلع باجوڑ کے ہیڈکوارٹر خار میں نئی تعمیرشدہ یہ خوبصورت عمارت ہے خار پبلک اسکول اینڈ کالج کی جو اس پسماندہ اور دہشت گردی کی جنگ سے متاثرہ ضلع کے مکینوں کے لئے پاک فوج کا تحفہ ہے۔ ادارے میں ماہ اگست سے تعلیمی سلسلہ شروع ہو جائے گا۔ ساٹھ کنال کے رقبے پر تعمیر اس جدید تعلیمی ادارے میں تئیس کلاس رومز، سائنس اینڈ آئی لیبارٹریز کے علاوہ کھیل کا میدان اور ہاسٹل کی سہولت بھی موجود ہے۔ ادارے میں قبائلی اضلاع اور خصوصا باجوڑ کے نو سو اسی طلبہ اعلٰی معیار کی تعلیم سے آراستہ ہوسکیں گے۔ علاقہ مکینوں کا کہنا تھا کہ تعلیمی ادارے کے قیام مقامی طلبہ کو اپنے علاقے میں ہی معیاری تعلیم کی سہولت میسرآگئی ہے۔