دوبارہ پوسٹمارٹم کیلئے صلاح الدین کی قبر کشائی
کامونکی ( 92 نیوز) پولیس حراست میں جاں بحق ہونے والے صلاح الدین کے دوبارہ پوسٹمارٹم کے لئے قبر کشائی کی گئی ، جوڈیشل مجسٹریٹ کامونکی کی زیر نگرانی قبر کشائی کا عمل ہوا۔
صلاح الدین کے والد محمد افضال نے کہا کہ دوبارہ پوسٹمارٹم اور قبر کشائی سے بہت تکلیف ہوئی ، تفتیش کا نظام بہتر ہونا چاہئے ۔
میڈیکل بورڈ نےصلاح الدین کے پوسٹمارٹم کا عمل مکمل کرلیا ، نمونے فرانزک لیب لاہور جائیں گے اور وہیں سے حتمی رپورٹ جاری ہوگی۔
ڈی ایچ کیو اسپتال گوجرانوالہ سے صلاح الدین کی میت گورالی کیلئے روانہ کر دی گئی ، بھائی ظہیر الدین بابر کے مطابق گاؤں پہنچتے ہی صلاح دین کی دوبارہ تدفین کی جائیگی۔