دو لیبارٹیز سے ٹیسٹ کے دو مختلف نتائج نے ٹیسٹنگ سسٹم پرسوالیہ نشان لگا دیا

اسلام آباد (92 نیوز) کورونا وائرس کے ٹیسٹ کے لیے کہاں جائیں، مریض تذبذب کا شکار ہیں۔ دو مختلف لیبارٹیز سے ٹیسٹ کے دو مختلف نتائج آنے پر ٹیسٹنگ سسٹم پرسوالیہ نشان لگ گیا۔ کورونا وائرس تشخیص کہ صلاحیت پر سوالیہ نشان، عوام پریشان جائیں تو کہاں جائیں۔ 92 کو موصول ہونے والے کیس میں متاثرہ مریض نے 17 اپریل کو اسلام آباد کی نجی لیبارٹری ڈائیگناسٹک سنٹر سے ٹیسٹ کروایا، رپورٹ میں دیکھا جا سکتا ہے کہ مریض کورونا پازیٹیو ہے۔ مریض نے اپنی تسلی کے لیے 17 اپریل کوہی گورنمنٹ کے ادارے این آئی ایچ سے ٹیسٹ کروایا ۔رپورٹ  کے مطابق مریض  کورونا نیگیٹیو ہے۔ رپورٹ ملنے پر متاثرہ مریض کی پریشانی میں مزید اضافہ ہو گیا۔ چینل 92 نیوز نے وزارت صحت سے موقف جاننے کی کوشش کی تو ترجمان وزارت صحت نے کہا کہ اسلام آباد ڈائیگناسٹک سنٹر نجی لیب ہے جو گورنمنٹ کے پینل پر نہیں ، شہری حکومت کی جانب سے منظور کردہ لیب سے ٹیسٹ کو ترجیح دیں۔