دنیا میں تارکین وطن کی تعداد 27 کروڑ 20 لاکھ ہے، اقوام متحدہ

نیویارک (92 نیوز) اقوام متحدہ کا کہنا ہے کہ دنیا میں تارکین وطن کی تعداد 27 کروڑ 20 لاکھ ہے، تارکین وطن کی زیادہ تعداد یورپ اور شمالی امریکا میں رہتی ہے۔ یو این او کی رپورٹ کے مطابق پچھلے ایک عشرے میں تارکین وطن کی تعداد میں 23 فی صد اضافہ ہوا ہے، 2019 میں 8 کروڑ 20 لاکھ تارکین وطن یورپ میں اور 5 کروڑ 90 لاکھ شمالی امریکا میں رہ رہے ہیں۔ رپورٹ میں مزید بتایا گیا کہ شمالی افریقہ میں 4 کروڑ 90 لاکھ اور مغربی ایشیا میں بھی 4 کروڑ 90 لاکھ تارکین وطن رہائش پذیر ہیں۔