دنیا بھر میں کورونا سے ہلاکتیں 11 لاکھ 93 ہزار سے تجاوز

واشنگٹن (92 نیوز) کورونا وائرس کے وار تیز ہوگئے، دنیا بھر میں ہلاکتیں 11 لاکھ 93 ہزار سے بڑھ گئیں۔ امریکا میں کورونا وائرس سے مزید 988 افراد جان سے گئے، مرنے والوں کی تعداد 2 لاکھ 35 ہزار  تک جا پہنچی۔ اِدھر ایک روز میں بھارت میں 550، فرانس میں 545 اور برازیل میں 529 اموات ریکارڈ کی گئیں۔ دوسری جانب اسپین میں کورونا پابندیاں مزید سخت ہونے پر شہریوں کی جانب سے شدید احتجاج کیا گیا، کئی املاک کو آگ لگا دی۔