دلیپ کمار عمدہ شخصیت اور بہترین انسان تھے ، وزیراعظم
اسلام آباد (92 نیوز) وزیراعظم عمران خان کا کہنا ہے دلیپ کمار عمدہ شخصیت اور بہترین انسان تھے۔
وزیراعظم عمران خان نے دلیپ کمار کے انتقال پر اظہار افسوس کیا۔ اپنے ٹویٹ میں وزیراعظم کا کہنا ہے کہ دلیپ کمار میرے دور کے بہترین اور ورسٹائل اداکار تھے۔ انہوں نے شوکت خانم اسپتال کی فنڈ ریزنگ میں حصہ لیا۔
Saddened to learn of Dilip Kumar's passing. I can never forget his generosity in giving his time to help raise funds for SKMTH when project launched. This is the most difficult time - to raise first 10% of the funds & his appearance in Pak & London helped raise huge amounts.
— Imran Khan (@ImranKhanPTI) July 7, 2021
شوکت خانم اسپتال کے لیے فنڈ ریزنگ پر دلیپ کمار کی مدد کو کبھی نہیں بھول سکتا۔ پاکستان اور لندن میں دلیپ کمار نے مشکل وقت میں فنڈریزنگ مہم میں اپنا حصہ ڈالا اور شوکت خانم اسپتال کے لیے بھاری رقم اکٹھی ہوئی۔
ادھر محمد یوسف خان عرف دلیپ کمار کی وفات پر صدرمملکت عارف علوی ، وزیراعلی پنجاب عثمان بزدار ، وفاقی وزیر داخلہ شیخ رشید ، سینیٹر فیصل جاوید اور اپوزیشن لیڈر شہبازشریف نے بھی اظہار افسوس کیا۔
دلیپ کمار (یوسف
خان) کو اپنے دنیاوی گھر سے رخصت ہوتا دیکھ کر افسوس ہوا۔ وہ ایک عمدہ
اداکار، شائستہ انسان اور ایک باوقار شخصیت کے حامل تھے۔ انکے انتقال پر
اہل خانہ اور مداحوں کی بڑی تعداد سے تعزیت۔ اللہ انکی روح کو سکون
بخشے۔
اِنَّا لِلّٰہِ وَاِنَّآ اِلَیْہِ
رَاجِعُوْنَ
صدر نے ٹویٹ میں لکھا مرحوم بہترین اداکار، ایک عاجز انسان اور عظیم شخصیت تھے۔ دلیپ کمار پشاور میں پیدا ہوئے۔ آبائی گھر کو قومی ورثہ قرار دیا جا چکا۔ لیجنڈری اداکار دو بار پاکستان بھی آچکے۔ 98ء میں اعلی ترین سول اعزاز نشانِ پاکستان سے بھی نوازا گیا۔