دشمن عناصر میرے انتقال کی جھوٹی خبریں پھیلا رہے ہیں ، ڈاکٹر عبدالقدیر خان

 اسلام آباد (92 نیوز) معروف ایٹمی سائنسدان ڈاکٹر عبدالقدیر خان نے کہا دشمن عناصر میرے انتقال کی جھوٹی خبریں پھیلا رہے ہیں ۔ ڈاکٹر عبدالقدیر خان نے ویڈیو پیغام میں کہا قوم مجھ سے متعلق خبریں سن کر پریشان ہو رہی ہے۔ میں خیرت سے ہوں، اور اللہ کے فضل و کرم سے تندرست ہوں۔ انہوں نے کہا دشمن عناصر کی جانب سے میرے انتقال کی جھوٹی خبریں پھیلائی جا رہی ہیں۔ میرے انتقال کی صورت میرے اہلخانہ کی جانب سے اعلان کیا جائے گا، افواہوں پر کان نہ دھریں۔