دریائے سندھ میں گدو اور سکھر کے مقام پر اونچے درجے کے سیلاب کی وارننگ جاری

اسلام آباد(92نیوز)این ڈی ایم اے نے دریائے سندھ میں گدو اور سکھر کے مقام پر اونچے درجے کے سیلاب کی وارننگ جاری کر دی۔ تفصیلات کےمطابق این ڈی ایم اے کے مطابق 24 سے 26 جولائی کے دوران گدو کے مقام پر 5 لاکھ سے ساڑھے 5 لاکھ کیوسک جبکہ سکھر کے مقام پر 25 سے 27 جولائی کے دوران 5 لاکھ سے 5 لاکھ چالیس ہزار کیوسک پانی کا ریلہ گزرنے کا امکان ہے، این ڈی ایم اے نے تمام متعلقہ محکموں کو محتاط اور تیار رہنے کی ہدایت کر دی، این ڈی ایم اے نے ہدایت کی ہے کہ عوام کے جان و مال کے تحفظ کے لیے ضروری اقدامات کیے جائیں، سرکاری اور نجی املاک کو نقصانات سے بچانے کے لیے بھی کوششیں کی جائیں۔