دبئی ٹیسٹ کا دوسرا روز،پاکستان کی ٹیم 482رنز بنا کر آؤٹ ہو گئی
دبئی ( 92 نیوز ) دبئی میں پاکستان بمقابلہ آسٹریلیا کرکٹ سیریز جاری ہے ۔ پہلے ٹیسٹ میچ کادوسرے روز پاکستان کی تمام ٹیم 482 رنز بنا کر آؤٹ ہو گئی ۔ حارث سہیل نے نے آسٹریلین باؤلرز کی خوب درگت بنائی اور 110 رنز بنا کر ٹیم کی پوزیشن مستحکم کی ۔ اسد شفیق نے بھی 80 رنز بنا کر آسٹریلیا کو مشکل ہدف دینے میں مدد بہم پہنچائی ۔
محمد عباس اور بابر اعظم قوم کی امیدوں پر پورا نہ اتر سکے جبکہ کپتان سرفراز بھی دھوکہ دے گئے ۔ محمد عباس نے 1 ، بابر اعظم نے 4 رنز بنائے ، سرفراز احمد 15رنز بنا کر پویلین لوٹ گئے ۔بلال آصف 12 اور یاسر شاہ 3رنز بنا کر ہمت ہار گئے ۔
گزشتہ روز اوپنر امام الحق اور پروفیسر محمد حفیظ نے آسٹریلین باؤلرز کا خوب امتحان لیا تھا ، دونوں کے مابین 205 رنز کی شراکت داری ہوئی تھی ۔ محمد حفیظ 126 جبکہ امام الحق 76 رنز بناکر آؤٹ ہوئے تھے ۔
آسٹریلیا کی جانب سے پیٹر سڈل نے 3 ،ناتھن لیون نے 2 ، مچل سٹارک ،جان ہیلنڈ ، مارنس نے ایک ایک کھلاڑی کو آؤٹ کیا ۔
دوسرے دن کے اختتام پر آسٹریلیا کی ٹیم نے بغیر کسی نقصان کے 30 رنز بنائے ہیں ۔