Thursday, March 28, 2024

خییبر پختونخوا بلدیاتی  انتخابات :تحریک انصاف مجموعی طورپر 270 نشستوں کے ساتھ سرفہرست

خییبر پختونخوا بلدیاتی  انتخابات :تحریک انصاف مجموعی طورپر 270 نشستوں کے ساتھ سرفہرست
May 31, 2015
پشاور(92 نیوز)خیبر پختو نخوا  بلدیاتی انتخابات میں  ضلع کونسل  کے معر کے  میں  نو سو  اٹہتر  نشستوں میں  سے  آٹھ   سو  چہتر کے  نتائج   آ گئے ہیں  جن میں تحریک انصاف دو  سو ستر  نشستوں  کے ساتھ   سرفہرست ہے ۔ آزاد امیدواروں کو  ایک سو پچپن جمعیت علمائے اسلام   ف   ایک سو سولہ  ، اے این پی  چورانوےمسلم  لیگ  نون نوے  اور  جماعت اسلامی  کوپچتھہرسیٹوں پرکامیابی حاصل ہوئی ہے ۔ تفصیلات کے مطابق خیبر پختونخوا کے چوبیس اضلاع  کے 978 وارڈز پر بلدیاتی انتخابات کا معرکہ ہفتے کو  ہواڈالے  گئے  ووٹوں کی  گنتی کا عمل اتوار کو بھی جاری  رہا غیر سرکاری  نتائج کے مطابق  صوبے کی  حکمران  جماعت  تحریک انصاف پر عوام نے  ایک بار پھر اعتماد کا اظہار کیا اور بیشتر اضلاع میں  پی ٹی  آئی حکومت  بنانے کی  پوزیشن  میں آ گئی ہے ضلع کونسل  ڈیرہ  اسماعیل خان میں   تحریک انصاف  چھا  گئی  اسے  یہآں  سترہ  نشستوں  پر کامیابی ملی  جبکہ  پندرہ   پر آزاد امیدوار کامیاب ہوئے  ہنگو  کے  سیاسی  دنگل میں جے یو آئی ف اور پی   ٹی  آئی  میں سخت مقابلہ رہا  دونوں کو بالتریب  سات اور آٹھ   نشستیں ملیں ضلع کرک کی  اکیس  نشستوں پر کوئی جماعت  نمایاں کامیابی  حاصل نہیں کرسکی جمعیت  علمائے اسلام ف کو  پانچ  جبکہ  پی ٹی  آئی  تین  نشستوں  پر کامیا ب  رہی۔ لکی مروت میں  جے  یو آئی ف  حکومت  سازی کی پوزیشن میں آ گئی   وہ  تینتس  رکنی  ضلع کونسل میں سے  سترہ    سیٹیں  جیت چکی ہے نوشہرہ میں  تحریک انصاف  بارہ  نشستوں  کے ساتھ  آگے  جبکہ عوامی  نیشنل  پارٹی   چار  نشستیں  حاصل  کر سکی ہے، صوابی  کی   56 میں  سے 19  نشستوں  پر  اے این پی کامیاب رہی   مردان  میں عوامی نیشنل  پارٹی   مضبوط   جماعت  تھی  تاہم  یہاں  بھی   تحریک انصاف نے  سیاسی  نقب  لگائی،اس حلقے  میں دونوں  جماعتیں اکیس اکیس  سیٹیں جیتنے میں کامیاب  ہوئی ہیں ۔ دیر کےعوام نے ایک  با رپھر  جماعت اسلامی  پرتصدیقی  مہر  ثبت کردی لوئر دیر   کا معرکہ  جماعت اسلا می نے مار لیا  اسے  23 نشستوں پر کامیابی  حاصل ہو  ئی جبکہ دیر  بالا میں  جماعت اسلامی کو اکیس نشتیں  ملی ہیں۔ سوات پر مسلم لیگ نون کی  گرفت مضبوط ہے ضلع  کی 67 نشستوں میں سے 21 پر نون  لیگ  کامیاب ہوئی   ایبٹ  آبا دمیں  پی  ٹی   آئی اور  نون لیگ میں سخت مقابلہ  ہوا تحریک انصاف  اٹھارہ جبکہ  مسلم لیگ نون  سترہ  نشستیں  جیتنے میں کامیاب رہی۔ مانسہر ہ میں لوگوں نے  آزاد  امیدواروں پر زیادہ   اعتماد کیا اور تئیس  سیٹیں ان کے نام کی،اس ضلع میں  مسلم لیگ نون کی  انیس  اور  تحریک انصاف آٹھ سیٹیں لے سکی ہے ،مالاکنڈ کے  ضلع کونسل   کے لئے  تحریک انصاف  سات  نشستوں پر کامیاب  ہوئی  جبکہ  آزاد نو ارکان کی مدد سے وہ   یہاں  حکومت بنا سکتی ہے۔ بٹگرام کا سیاسی میدان  حکمران  جماعت  پی  ٹی  آئی کے نام رہا  اسے  دس  جبکہ  جے  یو آئی  ف صرف  چھ   نشستیں  جیتنے میں کامیاب رہی۔ ضلع کونسل  بونیر میں  عوامی  نیشنل   پارٹی  8 نشستوں کے ساتھ  سرفہرست  ہے،، تاہم  تحریک انصاف سات اور جماعت اسلامی  چھ  سیٹوں  کے  ساتھ مل کر  مقامی  حکومت بنانے کی  پوزیشن میں ہیں ۔