خیرپور میں جیالوں کی اپنے ہی امیدواروں کیخلاف ریلی
خیرپور( 92 نیوز) خیرپور میں جیالوں نےا پنے ہی امیدواروں کے خلاف ریلی نکال دی ۔جیالوں نے سابق ایم این اے اور این اے 209 کے موجودہ پیپلزپارٹی کے امیدوار سید فضل شاہ کے خلاف ریلی نکالی اور شدید نعرے بازی کی ۔
مظاہرین نے الزام لگایا کہ فضل شاہ نے اپنے حلقے میں کوئی کام نہیں کیا، نوکریاں بیچیں ہیں اور ٹھیکے کمیشن کے عوض دیئے جس کے باعث حلقہ کی عوام ان سے سخت نالاں ہے ۔
مظاہرین کا کہنا تھا کہ فضل شاہ کو ٹکٹ دینا پارٹی کی جانب سے اہل علاقہ پر ظلم ، فضل شاہ کو ووٹ نہیں دے سکتے ۔