خیبرپختونخوا کے بلدیاتی الیکشن میں اسٹیبلشمنٹ نے مداخلت نہیں کی، مولانا فضل الرحمٰن

کراچی (92 نیوز) سربراہ جے یو آئی ف مولانا فضل الرحمٰن کا کہنا ہے خیبرپختونخوا کے بلدیاتی الیکشن میں اسٹیبلشمنٹ نے مداخلت نہیں کی۔

مولانا فضل الرحمٰن نے پی ڈی ایم  سندھ کے اجلاس کے بعد میڈیا سے گفتگو میں کہا مہنگائی مارچ ناگزیر ہے، جدوجہد کریں گے۔ 23 مارچ کو مہنگائی مارچ اسلام آباد پہنچے گا ۔ عوام کو لیکر اسلام آباد پہنچیں گے ۔

انہوں نے نام لئے بغیر آصف زرداری سے سوال  بھی کیا کہ کون کہتا ہے فارمولا بنا کر دیں۔ ابہام سے بات نہ کریں۔