خیبرپختونخوا پولیس میں ضم سابق خاصہ دار اور لیویزاہلکاروں کی تربیت کا پہلا مرحلہ مکمل
راولپنڈی (92 نیوز) خیبرپختونخوا پولیس میں ضم سابق خاصہ دار اور لیویزاہلکاروں کی تربیت کا پہلا مرحلہ مکمل ہو گیا۔
آئی ایس پی آر کے مطابق پاک آرمی اور فرنٹیئر کور خیبرپختونخواہ کے تعاون سے تربیت کا اہتمام کیا گیا جس میں مختلف قبائلی اضلاع میں 4 ہزار اہلکاروں کو تربیت دی گئی۔ تربیت میں انسداد دہشتگردی، کوئیک ری ایکش فورس، دھماکہ خیز مواد سے نمٹنا شامل تھا۔ اہلکاروں کی جسمانی تربیت اور نشانہ بازی کی مشقیں بھی اس کا حصہ تھیں۔
آئی ایس پی آر کا کہنا ہے کہ وزیراعلیٰ خیبرپختونخوا، پاک فوج اور ایف سی افسران نے بھی مشقوں کا جائزہ لیا۔ فرنٹیئر کور اور پولیس کے اعلیٰ عہدیدار بھی تربیتی امور کے مشاہدے کیلئے موجود تھے۔
کے پی کے پولیس
میں ضم خاصہ دار، لیویز اہلکاروں کی تربیت کا پہلا مرحلہ مکمل#92NewsHDPlus
#KPKPolice
#ISPR
pic.twitter.com/NktVKWMEng
آئی ایس پی آر کے مطابق تربیت مکمل کرنے والے اہلکاروں کی پاسنگ آؤٹ پریڈز بھی منعقد ہوئیں۔ پاسنگ آؤٹ پریڈز میں پولیس اہلکاروں کے اہل خانہ اور پاک فوج کے حکام نے بھی شرکت کی۔ تقریبات میں فرنٹیئر کور، پولیس اور دیگر مہمانوں نے بھی شرکت کی۔ کورنا ایس او پیز کے تحت پاسنگ اؤٹ پریڈز کا انعقاد کیا گیا۔