خیبرپختونخوا میں 8 پناہ گاہوں کی تزئین و آرائش کا فیصلہ
پشاور (92 نیوز) سوشل ویلفیئر ڈیپارٹمنٹ خیبرپختونخوا اور بیت المال نے 8 پناہ گاہوں کی تزئین و آرائش کا فیصلہ کرلیا۔
وزیر سماجی وبہبودخیبرپختونخوا ہشام انعام اللہ کا کہنا ہے کہ 680 ملین روپے کی لاگت سے دو پناہ گاہیں پشاور جبکہ 6 ڈویژنل سطح پر بنائی جائیں گی۔
انہوں نے بتایا کہ 340 ملین وفاق دے گا جبکہ 340 صوبائی حکومت دے گی، پناہ گاہوں کی تزئین و آرائش کیلئے 200 ملین روپے کا چیک ڈائریکٹر بیت المال کے حوالے کردیا گیا۔
