خیبرپختونخوا بلدیاتی انتخابات میں غلطیاں کیں اور قیمت چکائی، وزیراعظم
اسلام آباد (92 نیوز) وزیراعظم عمران خان کا کہنا ہے خیبرپختونخوا بلدیاتی انتخابات میں غلطیاں کیں اور قیمت چکائی۔
وزیراعظم عمران خان نے ٹویٹ پیغام میں کہا غلط امیدواروں کا انتخاب سب سے بڑا سبب بنا۔ اب سے ذاتی طور پر خیبرپختونخوا کے دوسرے مرحلے کے بلدیاتی انتخابات سمیت پورے ملک کے بلدیاتی انتخابات کی نگرانی کرینگے۔ تحریک انصاف مضبوط بن کر سامنے آئے گی۔
تحریک انصاف نےپختونخوا بلدیاتی انتخابات کےپہلےمرحلے میں غلطیاں کیں اورخمیازہ بھگتا۔غلط امیدواروں کاانتخاب ایک کلیدی سبب تھا۔اب سےمیں KP کےدوسرے مرحلےسمیت ملک بھرمیں بلدیاتی انتخابات کےحوالےسے تحریکی حکمت عملی کی بذات خودنگرانی کرونگا۔تحریک انصاف مزیدقوت کیساتھ ابھرے گی،انشاءاللہ۔
— Imran Khan (@ImranKhanPTI) December 21, 2021
ادھر وفاقی وزیراطلاعات فواد چوہدری نے اپنے ٹویٹ میں کہا تحریک انصاف کی قیادت اور کارکنان ذاتی اختلافات پس پشت ڈالیں۔ عمران خان کی قیادت میں خود کو منظم کریں۔ اس وقت اگر تحریک انصاف کمزور ہوئی تو ملک بھیڑیوں کے ہاتھ لگ جائیگا۔
اگر JUI جیسی شدت پسند جماعتیں PTI کا متبادل ہیں تو واقعی آپ کی بات درست ہے ، PTI کی لیڈرشپ اور کارکنان اس صورتحال میں ذاتی اختلافات کو پس پشت ڈالیں اور عمران خان کی قیادت میں خود کو منظم کریں اس وقت اگر PTI کمزور ہوئ تو ملک بھیڑیوں کے ہاتھ لگ جائیگا https://t.co/3tIXzSzStZ
— Ch Fawad Hussain (@fawadchaudhry) December 21, 2021
