خیبر پختونخوا میں ضمنی بلدیاتی انتخابات کیلئے پولنگ کا وقت ختم ہو گیا

پشاور (92 نیوز) خیبر پختونخوا میں ضمنی بلدیاتی انتخابات کیلئے پولنگ  کا  وقت ختم ہوگیا ۔ خیبر پختونخوا میں ضلع ،تحصیل، ولیج اور نیبر ہوڈ کونسلرز کی 138 خالی نشتوں پر ضمنی بلدیاتی انتخابات ہو رہے ہیں ۔ پولنگ صبح 8 سے شام 4 بجے تک جاری رہی۔ صوبہ بھر میں 15 لاکھ 32 ہزار 571 ووٹرز نے اپنا حق رائے دہی استعمال کرنا تھا ۔ ضلع کونسلز کی 52، ٹاون اور تحصیل کونسلز کی 32 ، ویلج  کونسلز کی 54 نشتوں پر انتخابات ہوئے۔ ضلع پشاور میں ٹاون کونسلز کی 6 اورنیبر ہوڈ کی 2 نشستوں پر انتخاب ہوا۔ صوبہ بھر میں  انتخابات کے لئے 1255 پولنگ اسٹیشنز اور 3 ہزار 685 پولنگ بوتھس قائم کئے گئے۔ ان انتخابات کے لئے 866 پریزائڈنگ آفسران کی تعیناتی کی گئی ہے۔ ضلع پشاور میں 85 پولنگ اسٹیشنز کی سیکورٹی کے لئے 2 ہزار سے زائد پولیس اہلکار تعیانت تھے۔ پشاور میں 31 پولنگ اسٹیشنز کوحساس ترین،47 کوحساس اور 7 کو نارمل قرار دیا گیا تھا ۔ ہنگامی صورتحال سے نمٹنے کیلئے مقامی پولیس کے ساتھ ساتھ کوئیک رسپانس کمانڈوز بھی ڈیوٹی سرانجام دے رہی تھی۔