خوفناک بھارتی سرگرمیوں سے جنوبی ایشیا تباہی کے دھانے پر !!! سیاچن گلیشیئر پر ایئربیس قائم کر لیا: 92نیوز نے تصاویر حاصل کر لیں

لاہور (92نیوز) جنوبی ایشیا میں خوفناک موسمی تبدیلیوں کاموجب بھارت نکلا۔ سیاچن گلیشئر پر اسلام آبادایئرپورٹ سے بڑا ایئربیس قائم، بجلی کے حصول کےلئے ایک ہزار مقامات پر برف توڑنے کےلئے ڈرلنگ، 92نیوز نے تصا ویر حاصل کر لیں۔   تفصیلات کے مطابق جنوبی ایشیا میں موسموں کی خطرناک تبدیلی کی اصل وجہ سامنے آ گئی۔ جنوبی ایشیا میں خوفناک موسمی تبدیلیوں کا موجب بھارت نکلا، سیا چین گلیشئر پر اسلام آباد ائیر پورٹ سے بڑا ائیر بیس قائم کر دیا گیا، سیاچین گلیشئر پر ہر ایک منٹ بعد ہیلی کاپٹر اور جیٹ طیاروں کی اڑانیں، دنیا کے بلند ترین گلیشئر پر بلڈوزروں اور بھاری مشینری سے برف توڑی جا رہی ہے۔   بجلی کے حصول کےلئے سیاچین گلیشیئر کے ایک ہزار مقامات پر گہری ڈرلنگ کر دی گئی۔ سیاچین گلیشئر پر بھارتی موسمی دہشت گردی کی تازہ ترین تصویریں 92 نیوز حاصل کر لیں، بھارتی خلاف ورزی سے سیاچین گلیشیئر پر کئی جھیلیں وجود میں آگئیں۔   عالمی ماہرین نے کہا ہے کہ سیاچین گلیشیئر پر بھارتی خلاف ورزی نہ روکی تو سمندر کی سطح 40 سینٹی میٹر بلند ہو جائے گی۔ جنوبی ایشیا میں خطرناک موسمی تبدیلیوں سے مستقبل میں ایک کروڑ افراد بے گھر ہونے کا خدشہ پیدا ہو گیا ہے۔