خورشید شاہ کے خلاف آمدن سے زائد اثاثہ جات کیس کی سماعت 7 جنوری تک ملتوی
سکھر ( 92 نیوز) خورشید شاہ کو عدالتوں سے چھٹکارا نہ مل سکا ، سکھر کی احتساب عدالت نے آمدن سے زائد اثاثہ جات بنانے پر خورشید شاہ بیگمات، صاحبزادے اور داماد سمیت عدالت میں پیش ہوئےعدالت نے سماعت سات جنوری تک ملتوی کردی ۔
آمدن سے زائد اثاثہ جات کیس میں پیپلزپارٹی کے رہنما خورشید شاہ کی ایک اور پیشی ہوئی ، ایک ارب روپے سے زائد کے ریفرنس کی سماعت کیلئے انہیں این آئی سی وی ڈی اسپتال سے ایمبولینس کے ذریعے احتساب عدالت لایا گیا ۔
خورشید شاہ کی دونوں بیگمات، صاحبزادے اور داماد صوبائی وزیر اویس قادر شاہ سمیت دیگر ملزمان بھی پیش ہوئے ۔
جیالے رہنماء کا کہنا تھا پارلیمنٹ کو دھوکہ دیا جارہا ہے ، جس سے پاکستان اور ریاست کو کوئی فائدہ نہیں ہوگا ، خورشید شاہ نے سیاسی رہنماؤں کو متحد ہونے کا مشورہ دیا ۔
احتساب عدالت نے نیب پراسیکیوٹر اور خورشید شاہ کے وکلاء کے دلائل کے بعد سماعت 7 جنوری تک ملتوی کردی ۔