خواتین کو ووٹ کی عدم اجازت پر سراج الحق کی خالی نشست پی کے پچانوے میں دوبارہ ضمنی الیکشن کا حکم
پشاور (92نیوز) خواتین کو ووٹ نہ ڈالنے کا عدالتی فیصلہ سامنے آنے کے بعد الیکشن کمیشن نے حلقہ پی کے پچانوے میں دوبارہ ضمنی انتخاب کرانے کا حکم دے دیا۔
خیبرپختونخوا کے حلقہ پی کے پچانوے میں خواتین کو ووٹ ڈالنے کی اجازت نہ دینے کا معاملہ ثابت ہو گیا جس کے بعد الیکشن کمیشن نے ضمنی انتخاب کالعدم قراردیتے ہوئے دوبارہ انتخاب کرانے کا حکم دیا ہے۔
امیر جماعت اسلامی سراج الحق کے سینیٹر بننے کے بعد خالی ہونے والی نشست پر ضمنی انتخاب میں جماعت اسلامی کے ہی امیدوار اعزاز الملک کامیاب ہوئے تھے تاہم حلقے میں تریپن ہزار سے زائد خواتین کو ووٹ کے حق سے محروم کیا گیا تھا۔
