خسارے کے باوجود پی آئی اے نے پائلٹس کی تنخواہوں میں اضافہ کر دیا
![خسارے کے باوجود پی آئی اے نے پائلٹس کی تنخواہوں میں اضافہ کر دیا](https://urdu.92newshd.tv/wp-content/uploads/2016/02/pia10.jpg)
لاہور(92نیوز)قومی ایئر لائن انتظامیہ نے اربوں روپے کے خسارے کے باوجود پائلٹس کی تنخواہ میں لاکھوں روپے کا اضافہ کردیا بوئنگ ٹرپل سیون کے کپتان کی تنخواہ ڈیڑھ لاکھ روپے بڑھا دی گئی ہے۔
تفصیلات کےمطابق ایئربس کے کپتان کی تنخواہ میں ایک لاکھ تیس ہزار جبکہ اے ٹی آر کپتا ن کی تنخواہ میں ایک لاکھ سات ہزار روپے اضافہ کیا گیا ہے ۔ پی آئی اے انتظامیہ نے بوئنگ ٹرپل سیون کے فرسٹ آفیسر کی تنخواہ ایک لاکھ ، ایئربس فرسٹ آفیسر چھیاسٹھ ہزار اور اے ٹی آر کے فرسٹ آفیسر کی تنخواہ اکاون ہزار روپے بڑھا دی ہے ۔ دوسری جانب پی آئی اے انتظامیہ نے ریٹائرڈ ملازمین کی پنشن میں گزشتہ پانچ سال سے کوئی اضافہ نہیں کیا ہے۔