حکومتی وزراء پیپلزپارٹی قیادت سے رابطے کر رہے ہیں ، نبیل گبول کا دعویٰ

کراچی (92 نیوز) پاکستان پیپلزپارٹی کے رہنما نبیل گبول نے دعویٰ کیا ہے کہ حکومتی وزراء پپیلزپارٹی کی قیادت سے رابطے کر رہے ہیں ۔

نبیل گبول نے 92 نیوز کے پروگرام ’’ ہو کیا رہا ہے ‘‘ میں گفتگو کرتے وہئے  کہا کہ حکومتی وزراء پیپلزپارٹی کی قیادت سے رابطے کر رہے ہیں ،  آج ہی دو وزراء نے  پارٹی قیادت سے ملاقات کے لئے وقت مانگا ہے اور کل اسلام آباد میں  پارٹی قیادت سے ملاقات کریں گے ۔

نبیل گبول نے دعویٰ کیا کہ  رابطہ کرنے والوں میں ایک وزیر کا تعلق پاکستان پیپلزپارٹی اور دوسری کا تعلق حکومتی اتحادی جماعت سے ہے ، فی الوقت نام نہیں بتا سکتا ۔

انہوں نے مزید کہا کہ حکومت پریشان نہیں تو وزراء بیان بازی کیوں  کر رہے ہیں ۔