حکومتی نالائقی سے معیشت کا بیڑا غرق ہوا، رانا ثنا اللہ
لاہور ( 92 نیوز ) پاکستان مسلم لیگ ن کے رہنما رانا ثنا اللہ نے کہا کہ حکومت کی نالائقی کی وجہ سے معیشت کا بیڑہ غرق ہو گیا ہے ۔
کوٹ لکھپت جیل میں قید مجرم نواز شریف سے ملاقات کے لئے آئے رانا ثنا اللہ کا کہنا تھاکہ حکمرانوں نے پاکستان کو آئی ایم ا یف کے پاس گروی رکھ دیا،
رانا ثنا اللہ کا کہنا تھا کہ جعلی مینڈیٹ کے اوپر سلیکٹ وزیر اعظم نے آئی ایم ایف کے پاس ملک گروی رکھ دیا ، آج پورا پاکستان وزیر اعظم کی مذمت کر رہا ہے اور یہ سلسلہ چل نکلا ہے ۔
رانا ثنا اللہ نے کہا کہ اب اس حکومت کو اپنا بوریا بسترا لپیٹنا ہوگا۔