حکومت کو کسی تحریک کی ضرورت نہیں ، یہ خو د گر جائیگی ، مریم نواز
اسلام آباد (92 نیوز) مریم نواز فرنٹ فٹ پر آگئیں ، وزیراعظم اور حکومت پر تنقید کرتے ہوئے بولیں کہ حکومت کو کسی تحریک کی ضرورت نہیں ، یہ خود ہی گر جائے گی ۔
پارلیمنٹ ہاؤس میں مسلم لیگ ن کے ارکان کی بیٹھک ہوئی جس میں مریم نواز ، حمزہ شہباز ، شاہد خاقان عباسی ، احسن اقبال ، راجہ ظفر الحق سمیت اعلیٰ قیادت نےشرکت کی ۔
اجلاس میں حکومت مخالف احتجاج اور معاشی صورتحال پر غور کیا گیا ۔مریم نواز کا کہنا تھا کہ عمران خان کے پاس اب جھوٹ کے علاوہ کچھ نہیں ، ملک جمہوریت اور پارلیمنٹ کی بالادستی سے ہی چلے گا ۔
طلال چودھری ، برجیس طاہر ، پرویز رشید ، مہتاب عباسی ،رانا تنویر ، رانا ثنا اللہ اور مریم اورنگزیب بھی اجلاس میں شریک تھے ۔