حکومت کا رمضان المبارک اور متفقہ عید کیلئے مفتی پوپلزئی سے رابطے کا فیصلہ
اسلام آباد (92نیوز) حکومت نے الگ الگ رمضان اور عید کے چاند کے مسئلے کے حل کیلئے مسجد قاسم خان کے خطیب مفتی شہاب الدین پوپلزئی سے رابطہ کرنے کا فیصلہ کر لیا ہے۔
تفصیلات کے مطابق وزارت مذہبی امور نے رمضان المبارک اور عید کے چاند کا مسئلہ حل کرنے کیلئے مسجد قاسم خان کے خطیب مفتی شہاب الدین پوپلزئی سے رابطہ کرنے کا فیصلہ کیا ہے۔
ذرائع کا کہنا ہے کہ اکتیس مئی کو پشاور میں مفتی شہاب الدین پوپلزئی سے وزارت مذہبی امور، محکمہ اوقاف کے حکام ملاقات کرینگے اور رمضان اور عید کے چاند کے حوالے سے مفتی شہاب الدین پوپلزئی کے تحفظات کو دور کرینگے۔
وزارت مذہبی امور نے ماہ رمضان کا چاند دیکھنے کیلئے مرکزی رویت ہلال کمیٹی کا اجلاس چھ جون کو طلب کرنے کا فیصلہ کر دیا ہے۔ اجلاس مفتی منیب الرحمن کی صدارت میں کراچی میں ہو گا۔