Tuesday, March 19, 2024

حکومت کا ترکی کی طرزپر احتجاجی مظاہرین سے نمٹنے کیلئے اسپیشل فورس تشکیل دینے کا فیصلہ

حکومت کا ترکی کی طرزپر احتجاجی مظاہرین سے نمٹنے کیلئے اسپیشل فورس تشکیل دینے کا فیصلہ
October 23, 2021 ویب ڈیسک

اسلام آباد (92 نیوز) وفاقی دارالحکومت اسلام آباد میں ہجوم سے نمٹنے کیلئے پولیس کا نیا یونٹ بنایا جائے گا۔ یونٹ جدید ٹیکنالوجی اور ڈرون سے لیس ہوگا جبکہ اس کی فورس اعلیٰ تربیت یافتہ ہوگی۔ فورس کیلئے آلات کی خریداری اور افرادی قوت کیلئے 1 ارب 80 کروڑ روپے کی منظوری دیدی گئی۔

وفاقی حکومت کا ترکی طرز پر احتجاجی مظاہرین کو کنٹرول کرنے کیلئے سپشل فورس تشکیل دینے کا فیصلہ کرلیا۔ جدید ٹیکنالوجی اور آلات سے لیس فورس تشکیل دینے کی اصولی منطوری دیدی گئی۔ بھاری جانی ومالی نقصان کے بغیر احتجاجی مظاہرین کو کنٹرول کیا جاسکے گا۔ فورس کیلئے آلات کی خریداری اور افرادی قوت کیلئے 1ارب 80 کروڑ روپے کی بھی منظوری دے دی گئی۔

احتجاج کنٹرول فورس ڈرون،آرٹیفشیل انٹیلیجنس کیمروں، ویڈیو تجزیاتی سسٹم اور جدید آلات سے لیس ہوگی۔ احتجاج کنٹرول فورس کے قیام کا پلان ترکی سے تربیت یافتہ پولیس افسران کی مشاورت سے تیار کیا گیا۔ وزیر منصوبہ بندی اسد عمر کہتے ہیں کہ فورس کیلئے فنڈز کی فراہمی پبلک سیکٹر ڈویلپمنٹ پروگرام سے کی جائے گی۔ وزیراعظم نے وزارت داخلہ کو قبضہ مافیاکے خلاف کاروائی کیلئے خصوصی فورس قائم کرنے کی ہدایت کردی۔