حکومت کا 30 ستمبر کے بعد کورونا ویکسین نہ لگوانے والوں کیخلاف پابندیاں لگانے کا فیصلہ
اسلام آباد (92 نیوز) کورونا ویکسین نہ لگوانے والوں کیخلاف خطرے کی گھنٹی بج گئی۔ حکومت نے30 ستمبر کے بعد کورونا ویکسین نہ لگوانے والوں کیخلاف بڑے پیمانے پر پابندیاں لگانے کا فیصلہ کر لیا۔
شیخ رشید کا کہنا ہے 30 ستمبر کے بعد مختلف قسم کی پابندیاں لگنے جا رہی ہیں۔ 30 ستمبر تک کورونا ویکسین کی دوسری ڈوز بھی لگوا لیں۔ 30 ستمبر کے بعد مختلف قسم کی پابندیاں لگنے جا رہی ہیں۔ جنہوں نے ویکسین نہیں لگوائی وہ 30 ستمبر کے بعد بہت سی سہولیات سے محروم ہو جائیں گے۔
شیخ رشید نے کہا این سی او سی نے کورونا کیخلاف زبردست کام کیا ہے ۔ این سی او سی کے کام کو دنیا تسلیم کرتی ہے ۔ اپنے لیے اپنے ملک کیلیے ویکسین لگوائیں۔ 30 ستمبر سے پہلے پہلے ویکسین کی دونوں ڈوز مکمل کر کے اپنے خاندان اور اولاد کو بچائیں اور ملک کی خدمت کریں۔