حکومت پنجاب اور کالعدم تحریک لبیک میں مذاکرات کا تیسرا مرحلہ آج رات 10 بجے ہوگا
اسلام آباد (92 نیوز) وفاقی وزیر فواد چودھری کہتے ہیں حکومت پنجاب اور کالعدم تحریک لبیک میں مذاکرات کا تیسرا مرحلہ آج رات 10 بجے ہوگا۔
کالعدم تحریک لبیک اور حکومت پنجاب کے درمیان مذاکرات کا دوسرا راؤنڈ کچھ دیر پہلے اختتام پذیر ہوا، گورنر پنجاب چوہدری سرور اور وزیر قانون راجہ بشارت نے حکومت کی نمائندگی کی تیسرا راؤنڈ رات کو دس بجے ہو گا جس میں وزیر داخلہ شیخ رشید اور وزیر مذھبی امور نور الحق قادری شریک ہوں گے،
انہوں نے اپنے ٹویٹ پیغام میں لکھا کہ، مذاکرات کے تیسرے مرحلے میں شیخ رشید اور نور الحق قادری شریک ہوں گے۔
کالعدم تحریک لبیک اور حکومت پنجاب کے درمیان مذاکرات کے دوسرے راؤنڈ میں چوہدری سرور اور راجہ بشارت نے حکومت کی نمائندگی کی۔
