حکومت نے معیشت کو پہنچنے والے نقصان سے نمٹنے کیلئے درمیانی مدت کا پلان بنا لیا

اسلام آباد ( 92 نیوز) وفاقی حکومت نے کورونا سے معیشت کو پہنچنے والے نقصان سے نمٹنے کیلئے درمیانی مدت کا پلان بنا لیا، فوڈ سکیورٹی و سپلائی چین ، بنکوں اور فنانشل اداروں کے تحفظ سمیت دیگر اہم اقدامات پلان کا حصہ ہیں ۔

ذرائع وزارت خزانہ کے مطابق پلان معاشی  و مالیاتی تھینک ٹینک کے اجلاس میں ترتیب دیا گیا  ،   معیشت کو برے اثرات سے بچانے کے لیے فیسکل اور مانیٹری پالیسی  ترتیب  دینے کا عمل  شروع کر دیا گیا ۔

  کورونا کے اثرات اور اس سے فوری طور پر نمٹنے کے لیے  میٹرکس بنانے ، کم  سے کم ،درمیانے، اور طویل  مدت کے اثرات  اور ان سے نمٹنے کے لیے ترجیحی اقدامات کی  فہرست  تیار کی جا رہی ہے ۔ اقدامات کو  تیز کرنے کے لیے  ریکوری پلان پر  کام   شروع کر دیا  گیا  ہے ۔

ذرائع وزارت خزانہ کے مطابق پالیسی  کے لیے  درکار  رئیل ٹائم ڈیٹا  اور ریسرچ کا  کام  ماہرین کے حوالے کیا جائے گا ۔ ماہرین کو ریکوری  روڈ میپ  اور پلان کو عمل میں لانے کے لیے منصوبہ بنانے کی ہدایت کر دی گئی  ۔ 6 ترجیحی اقدامات سامنے لائے گئے  ہیں ۔

ان قدامات کے ذریعے معیشت کی  ریکوری اور سیفٹی نیٹ ترتیب دیے  جائیں گے  ۔ فود سیکیورٹی اور سپلائی چین،بنکوں اور فنانشل اداروں کا تحفظ کیا جائے گا   ۔ مارکیٹ کی  قوتوں کو ترغیبات دینے کا بھی  پلان  بنایا جائے گا  ۔

 کم اور  درمیانی  قیمت کے مکانات بنانے کے پراجیکٹ کے لیے رقومات کا بندوبست کیا جائے گا  ،  وفاقی  اور  صوبائی ترقیاتی منصوبوں کے لیے نئی ترجیحات  بنائی جائے گی  ۔

ان منصوبوں میں زیادہ سے زیادہ  ملازمتیں  پیدا کرنے کے اقدامات کیے  جائیں  گے جنکا وقتا  فوقتا   جائزہ لینے کے لیے مانیٹرنگ   کی جائے  گئی ۔