حکومت نے عوام کیلئے کچھ نہ کیا تو خوفناک صورتحال جنم لے سکتی ہے ، آصف زرداری
کراچی ( 92 نیوز)سابق صدر اور شریک چیئرمین پاکستان پیپلزپارٹی آصف علی زرداری نے کہا کہ موجودہ حالات میں حکومت نے لوگوں کے لئے کچھ نہ کیا تو خوفناک صورتحال جنم لے سکتی ہے۔
پاکستان پیپلزپارٹی کے شریک چیئرمین آصف علی زرداری نے پارٹی رہنما قمر زمان کائرہ اور چودھری منظور سے ٹیلیفونک رابطہ کیا اور پنجاب کی قیادت سے تازہ ترین صورتحال اور پارٹی امور پر تفصیلی تبادلہ خیال کی ۔
آصف علی زرداری نے کہا کہ جلد اچھا وقت آنے والا ہے ، حکومت نے عوام کے لئے کچھ نہ کیا تو خوفناک صورتحال جنم لے سکتی ہے ۔