Thursday, March 28, 2024

حوثی باغیوں نے تمام بحری جہاز اور عملہ آزاد کردیا

حوثی باغیوں نے تمام بحری جہاز اور عملہ آزاد کردیا
November 20, 2019
ریاض ( 92 نیوز) یمن کےحوثی باغیوں نے تحویل میں لیے ہوئے تمام بحری جہازوں اور افراد کو آزاد کر دیا۔غیر ملکی خبر رساں ادارے کے مطابق جنوبی کوریا کے دفتر خارجہ کا کہنا ہے کہ یمنی حوثی باغیوں نے پکڑے ہوئے تینوں جہازوں اور 16 افراد کو رہا کر دیا ہے۔ دفتر خارجہ نے واضح کیا کہ رہا ہونے والے افراد میں سے 2 کا تعلق جنوبی کوریا سے ہے اور 2 جنوبی کوریا کے جہاز تھے اور ایک سعودی عرب کا تھا۔ حوثیوں نے  تینوں جہازوں کو بحیرہ احمر سے قبضے میں لیا تھا۔