حمزہ شہباز شریف نے حکومت کو ملک کی نااہل ترین حکومت قرار دے دیا

 لاہور (92 نیوز) پنجاب اسمبلی میں اپوزیشن لیڈر حمزہ شہباز شریف نے حکومت کو ملک کی نااہل ترین حکومت قرار دے دیا۔ حکومت پر تنقیدی وار کرتے ہوئے اپوزیشن لیڈر حمزہ شہباز شریف کا کہنا تھا ملک میں مہنگائی عروج پر ہے۔ حکومت نے عام آدمی پر مہنگائی کا بوجھ ڈالا۔ چینی ، چاول ، آلو ، پیاز اور ٹماٹر سمیت تمام اشیائے خوردنی کی قیمتیں آسمان کو چھو رہی ہیں ۔ حمزہ شہباز شریف نے کہا اوپر سے عوام پر بلوں کا بوجھ  ڈال دیا ۔ شہری آٹے کو ترس رہے ہیں جس کی عجیب توجیہات پیش کی جا رہی ہیں ۔ حکومت ن لیگ کے مقابلے میں آدھا بھی پرفارم کر گئی تو بڑی بات ہو گی۔