حادثاتی چیئرمین صاحب ، وزیراعظم نے کب کہا کہ جرمنی جاپان ہمسایہ ہیں، افتخار ‏درانی

اسلام آباد ( 92 نیوز ) پاکستان پیپلزپارٹی کے چیئرمین بلاول بھٹو زرداری کی جانب  سے وزیر اعظم کے جرمنی اور جاپان سے متعلق بیان پر طنز کئے جانے پر وزیر اعظم کے مشیر افتخار درانی میدان میں آگئے ۔

افتخار درانی نے بلاول بھٹو زرداری  کو نام لئے بغیر مخاطب کرتے ہوئے کہا کہ حادثاتی چیئرمین صاحب ، وزیر اعظم نے کب کہا کہ جرمنی اور جاپان ہمسایہ ہیں ،  وزیراعظم نے کہا تھا کہ دونوں ملکوں کے بارڈر پر صنعتی زونز بنائے گئے ۔

وزیر اعظم کے مشیر افتخار درانی نے بھی ٹویٹ کا سہارا لیتے ہوئے ترکی بہ ترکی جواب دیتے ہوئے کہا کہ بلاول کی آکسفورڈ کی ڈگری پر جو پیسے لگے وہ ضائع ہو گئے ۔

مشیر اطلاعات فردوس عاشق اعوان نے بھی بلاول بھٹو کو کھری کھری سنا دیں اور کہا کہ جب کسی نے کرپشن کے پیسے پر آکسفورڈ یونیورسٹی میں داخلہ لیا ہو تو ایسے ہی ہوتا ہے کہ ابو، پھوپھو، انکلز کی لوٹ مار نظر نہیں آتی۔