جے یو آئی (ف) نے ڈی چوک پر آزادی مارچ کیلئے انتظامیہ کو درخواست دیدی
اسلام آباد (92 نیوز ) جے یو آئی (ف) نے ڈی چوک پر آزادی مارچ کے لئے اسلام آباد انتظامیہ کو باضابطہ طورپر درخواست دے دی ۔
جے یو آئی (ف) کی جانب سے مولانا عبدالغفور حیدری کی جانب سے چیف کمشنر اسلام آباد کو درخواست دی گئی ، درخواست سینئر ایڈووکیٹ کامران مرتضیٰ کے توسط سے تیار کی گئی ۔
درخواست میں کہا گیا کہ 27 اکتوبر کو ڈی چوک میں آزادی مارچ کی اجازت دی جائے ، جمعیت علمائے اسلام آزادی مارچ نکالنے کا آئینی و جمہوری حق رکھتی ہے ۔
درخواست میں کہا گیا کہ امیر جمعیت علمائے اسلام (ف) کی زیر قیادت کارکنوں کی بڑی تعداد شامل ہو گی ، ڈی چوک میں سکیورٹی کے لئے ضروری اقدامات کئے جائیں ۔
